ഭവനങ്ങൾക്കും സ്ഥാപനങ്ങൾക്കും സ്ഥലത്തിനും വേണ്ടിയുള്ള വിമോചന പ്രാർത്ഥന

പിതാവിന്റേയും പുത്രൻ്റേയും പരിശുദ്ധാത്മാവിൻ്റേയും നാമത്തിൽ ആമേൻ.​ 

സർവ്വശക്തനും പിതാവുമായ ദൈവത്തിൻ്റെ നാമത്തിലും + പുത്രനും കർത്താവുമായ ഈശോമിശിഹായുടെ നാമത്തിലും +​ ജീവദായകനായ പരിശുദ്ധാത്മാവിൻ്റെ ശക്തിയോടുംകൂടെ + പരിശുദ്ധ കന്യകാമറിയത്തി​ൻ്റെയും മുഖ്യദൂതരായ വി. മിഖായേലി​ൻ്റെയും വി. ഗബ്രിയേലി​ൻ്റെയും വി. റാഫായേലി​ൻ്റെയും സകല മാലാഖമാരുടേയും വിശുദ്ധരുടേയും രക്തസാക്ഷികളുടേയും ​വന്ദകരുടേയും മദ്ധ്യസ്ഥതയിൽ ആശ്രയിച്ചുകൊണ്ടും, വിശുദ്ധ മാമ്മോദീസായിലൂടെയും വിശുദ്ധ പൗരോഹിത്യത്തിലൂടെയും എനിക്ക് ലഭിച്ചിരിക്കുന്ന ആത്മീയ കൃപയിലും ശക്തിയിലും​ അധികാരത്തിലും ആശ്രയിച്ചു കൊണ്ടും എല്ലാ തിന്മയുടെ ശക്തികളോടും അന്ധകാരശക്തികളോടും ഞാൻ ആജ്ഞാപിക്കുകയും കല്‌പിക്കുകയും ചെയ്യുന്നു. പൈശാചിക ശക്തികളെ​, നാരകീയ ശക്തികളെ​, തിന്മയുടെ ആധിപത്യങ്ങളെ​, മന്ത്രവാദങ്ങളെ കൂടോത്രങ്ങളെ സർപ്പങ്ങളേ അശുദ്ധാത്മാക്കളെ ശാപങ്ങളെ കൈവിഷങ്ങളെ​, ശക്തികളെ ഈ ​(ഭവനത്തിനോ​ ​/ സ്ഥാപനത്തിനോ​) ​സ്ഥലത്തിനോ​ ഏതെങ്കിലും വിധത്തിൽ അസ്വസ്ഥതകളോ, തടസ്സങ്ങളോ തകർച്ചകളോ ഉണ്ടാക്കുന്ന എല്ലാ ശക്തികളെ, സ്വാധീനങ്ങളെ, കർത്താവായ യേശുവി​ൻ്റെ  പരിശുദ്ധമായ നാമത്തിൽ നിങ്ങളെ ഞാൻ ശാസിക്കുകയും ബന്ധിക്കുകയും നിർവ്വീര്യമാക്കുകയും ഈ ​(ഭവനത്തിൽനിന്നും​/സ്ഥാപനത്തിൽനിന്നും​) ഈ ​സ്ഥലത്തുനിന്നും​​ ഉച്ചാടനം ചെയ്യുകയും കർത്താവിൻ്റെ കുരിശിൻ്റെ പാദത്തിലേക്കയയ്ക്കുകയും ചെയ്യുന്നു. ഇനി മേൽ ഈ ​(ഭവനത്തിലോ​/ സ്ഥാപനത്തിലോ​), സ്ഥലത്തോ പ്രവേശിച്ചുപോകരുതെന്ന്​ കൽപ്പിക്കുന്നു. കർത്താവായ യേശുവിൻറെ തിരുരക്തം ഈ​ ഭവനത്തിനും സ്ഥാപനത്തിനും സ്ഥലത്തിലും സംരക്ഷണകവചമായിരിക്കട്ടെ. പരിശുദ്ധ കന്യാമറിയത്തിൻ്റേയും സകല മാലാഖമാരുടേയും വിശുദ്ധരുടേയും മാദ്ധ്യസ്ഥവും സംരക്ഷണവും ഈ ​(ഭവനത്തിനും​/ സ്ഥാപനത്തിനും​) സ്ഥലത്തിനും കാവലായിരിക്കട്ടെ. അവിടുത്തെ പരിശുദ്ധാത്മാവിൻ്റെ ശക്തിയാൽ ഈ ​(ഭവനവും​/ സ്ഥാപനവും​) സ്ഥലവും അനുഗ്രഹിക്കപ്പെട്ട് അങ്ങേയ്ക്കും അങ്ങയുടെ പ്രിയപുത്രനും പരിശുദ്ധാത്മാവിനും സ്‌തുതിയും സ്തോത്രവും അർപ്പിക്കുവാൻ ഇവർക്കിടയാവുകയും ചെയ്യട്ടെ. ഇപ്പോഴും​ + എപ്പോഴും + എന്നേക്കും + ആമേൻ.

(പ്രാർത്ഥിക്കുന്ന ഭവനത്തിൻ്റെമേൽ/സ്ഥാപനത്തിൻ്റെ മേൽ/സ്ഥലത്തിൻ്റെമേൽ വിശുദ്ധജലം തളിക്കുന്നു.)